أبو حفْص للعُمري: ايوا تفرج حتّى فـ”البورنو” لترد عليها و تَسْتنكِر ما فيها

أبو حفْص للعُمري: ايوا تفرج حتّى فـ”البورنو” لترد عليها و تَسْتنكِر ما فيها

أحداث سوس20 أبريل 2022آخر تحديث : منذ شهر واحد

أحداث سوس

تتوالى ردودُ الأفْعال المتابينة على انتقاد الداعية الإسلامي، ياسين العمري، مسلسل “المكتوب” الذي تبثه القناة الثانية بعد الإفطار، إذ رد الباحث في الدراسات الإسلامية؛ محمد عبد الوهاب بن أحمد رفيقي، الشهير بـ”أبو حفص”، بدوره على خرجة العمري.

وقال أبو حفص، في تدوينة على حسابه الفيسبوكي “أنا تنتفرج ف مسلسل “مكتوب” حيت تيعجبوني المسلسلات بغرض الترفيه و التسلية، ماشي باش ناخذ منهم الدروس و العلم، و تنتفرج حيت تيعجبوني ماشي ديك اللعيبة لقديمة ديال تنتفرج لمعرفة الشر و لكي ننتقده، ايوا تفرج حتا ف pornhub باش تعرف حجم ما فيها من إباحية و من “منكر” لترد عليها و تستنكر ما فيها من “وضعيات”مخالفة للدين والشريعة”.

وتابع المتحدث “أنا تنتفرج فـ”مكتوب” لأنو عمل مغربي، واخا الريتم ثقيل شويا و لكن سيناريو محترم، وأداء زوين لاديال بوتازوت والناجي كالعادة، و لا ديال الآخرين خاصة لبنى شكلاط زوجة المنشط الإذاعي ديال ميد راديو سي هشام، ولا البنت لي دارت دور سليمة لي برعات ف تشخيص البنت الشريرة”.

و أردف رفيقي في ردِّه على العمري “أما الشيخة فهي جزء من ثقافتنا وفئة من فئات المجتمع، و بالتالي من حق الدراما تعطيها حقها وهو أمر يحسب ليها، الشيخة بحالها بحال كل الفئات، ماشي ملاك و ماشي شيطان، ماشي بالضرورة تكون شي حاجة خايبا، و ماشي بالضرورة تكون مقاومة و مناضلة، هي ككل الشعب، كما تنصورو فئات أخرى من الشعب بمختلف سلوكياتها، تنصور الشيخة لي دمرات علا بنتها وقراتها وعزيز عليها صحاباتها ومنساتهمش، وفي نفس الوقت الأم لي تتشجع بنتها على الزواج بواحد لمجرد انو غني”.

وأردف “عموما برافو لفريق العمل، وايلا بغيتي تنتقدو انتقد بوطازوت والناجي انهم مخرجوش من واحد صورة نمطية، قول أن التشخيص ديال لي مثل راجل سليمة مقنعكش، ماشي تحكر فقط على الشيخة لأنها “امرأة” مع أن المسلسلات تيهضرو على الشمكارا و على القتلة و على المجرمين و عمرك قلتي لينا هذا تطبيع مع الشمكار ، علاش مداروش واحد ف الدرب تيقرا القران، وسولهم دربهم شحال فيه من شمكار علاش سولتيهم غي علا الشيخات؟ لأنها امراة بكل اختصار”.

وخلص أبو حفص إلى قوله “شنو ممكن تسنا من شخص تيحرم حتى سماع موسيقى كلاسيكية؟ اش بغيتي يقول ف شيخة؟ انما لي تنتعجب ليه هو الناس لي عاجباهم ديك الهضرة وتيطبلو ليها وفي الأخير هوما السباب ف اننا نكونوا في أول الدول متابعة للمواقع الزرقاء خلال رمضان”، لينهي تدوينته بالقول: “قمة التخاصم مع النفس الله يحضر السلامة”.

يأتي ذلك، بعد أن خرج الداعية الإسلامي، ياسين العمري، لانتقاد مسلسل “المكتوب” الذي تبثه القناة الثانية بعد الإفطار، معتبرا أنه يشيد بدور “الشيخة” في المجتمع، منتقدا عدم انتاج أفلام ومسلسلات تتحدث عما وصفه بـ”شيبانيات كيقراو القرآن فالدرب”، وفق تعبيره.

رابط مختصر

اترك رد