أحداث سوس
الزواج بالمرأة الثانية بالمغرب أصبح مستحيلا الآن، وفي التفاصيل كشف وزير العدل، عبد اللطيف وهبي، أن وزارته تشتغل على وضع برنامج العقود، من أجل معرفة أملاك الأشخاص، وكذا وضعيتهم العائلية.
وقال وهبي، اليوم الثلاثاء (19 أبريل)، خلال جلسة الأسئلة الشفهية في مجلس المستشارين، “عندنا الآن جوج مشاريع خدامين عليهم، بغينا نديرو برنامج خاص بالعقود، باش نعرفو شكون اللي مزوج بشكون، وشكون اللي شاري شكون”.
وتابع وزير العدل “حنا دابا كنقلبو على هاد الشي، حيت كتلقى واحد مزوج فالرباط يلا مشى لأكادير ما كتعرفوش واش مزوج ولا ما مزوجش، كياخذ شهادة العزوبة ويعاود يضربها بتزويجة، حنا دابا بغينا نديرو هاد البرنامج غير باش نعرفو شكون اللي مزوج وشكون اللي ما مزوجش على الأقل”.
وأكد أن “هاد برنامج العقود بغينا نديرو فيه حتى الأراضي غير المحفظة، باش نعرفو شكون كيملك شكون ونعرفو بعضياتنا، وبناء على هاد الشي قررنا نديرو هاد البرنامج غير بلاكارط ناسيونال كطلع الأملاك ديالك وشنو هي الوضعية العائلية”.
وختم حديثه بالقول “هاد الشي خاصو يتضبط، ماشي واحد يتزوج فوجدة ويخلي المرا بولادها تما ما يعطيها لا نفاقة لا والو ويمشي لأكادير يجلس 6 شهور، ويمشي عند المقدم حيت ساكن وعندو شهادة السكنة وياخذ شهادة العزوبة وحدة أخرى ويعاود يتزوج ثاني ويخلي الولاد ويزيد”.ماشي غير نوض وتزوج الثانية.. وزارة العدل ناوية تزير الطرح موضوع الزواج بالثانية..
